சிலப்பதிகாரம் - இது என்ன மாயம் ?

சிலப்பதிகாரம் - இது என்ன மாயம் ?

அன்று வடக்கில் உள்ள மலையை மத்தாக்கி, வாசுகி என்ற பாம்பை நாணாக்கி, பாற்கடலை கலக்கினாய். ஆனால் இன்றோ யசோதையின் சின்ன கயிற்றால் கட்டப்பட்டு கிடக்கிறாய். இது என்ன மாயம் ?

பாடல் 

வடவரையை மத்தாக்கி வாசுகியை நாணாக்கிக

கடல்வண்ணன் பண்டொருநாள் கடல்வயிறு கலக்கினையே

கலக்கியகை யசோதையார் கடைகயிற்றாற் கட்டுண்கை

மலர்க்கமல உந்தியாய் மாயமோ மருட்கைத்தே ;

பொருள் 

வடவரையை = வரை என்றால் மலை;  வட வரை = வடக்கில் உள்ள மலை 

 

மத்தாக்கி = மத்தாக்கி

வாசுகியை = வாசுகி என்ற பாம்பை 

நாணாக்கி = நாணாக்கி 

கடல்வண்ணன் = கடல் போன்ற நிறம் கொண்டவன்

பண்டொருநாள் = முன்பொரு நாள்

கடல்வயிறு = கடலின் வயிற்றை

கலக்கினையே = கலக்கினாயே

கலக்கியகை = அப்படி கலக்கிய நீ 

யசோதையார் = யசோதையின்

கடைகயிற்றாற் = சின்ன தாம்புக் கயிற்றால் 

கட்டுண்கை = கட்டுப்பட்டு 

மலர்க்கமல = தாமரை மலர் போன்ற 

 

உந்தியாய் = உந்தியை உடையவனே 

மாயமோ மருட்கைத்தே = இது என்ன மாயமோ, மயக்கம் வருகின்றதே